2024/05/02 / Last updated : 2024/05/02 東京支店 News（Tagalog）

KANSAI AIRPORT NANATILING “NO LOST LUGGAGE” SA LOOB NG 30 TAON

Mula ng magbukas ang Kansai International Airport noong Setyembre 1994, wala pa itong naitalang “lost luggage” dahilan ito upang umani ng papuri at international recognition para sa knilang reliable na serbisyo.

Ayon sa Nikkei Asia, ang efficient service na naranasan ng mga pasahero ay nagpataas ng expektasyon sa paliparan bilang isang pangunahing gateway para sa mga bisita sa Expo 2025 sa Osaka.

Bagama’t karaniwan ang mga insidente ng nawawalang bagahe sa industriya ng aviation, napanatili ng Kansai International Airport ang isang magandang rekord, na may average na 7.6 na mishandled bags sa bawat 1,000 pasahero sa buong mundo noong 2022, ayon sa SITA, isang Swiss-based aviation technology firm.

Sa Kansai Airport, wala pang naitalang nawala na bagahe dahil sa kapabayaan ng operator ng paliparan sa 30 taong kasaysayan nito sa kabila ng paghawak ng humigit-kumulang 10 milyong bagahe sa piskal na 2023.

Ang tagumpay na ito ay iniuugnay sa mahigpit na pagsusuri na isinagawa ng dalawa o tatlong miyembro ng kawani, na masusing nagbe-verify ng mga uri at dami ng mga bag para sa bawat paglipad, kasama ang mga detalye ng pagbibiyahe ng pasahero.