2024/04/30 / Last updated : 2024/04/26 東京支店 News（Tagalog）

50% DISCOUNT SA JR ATBP. PARA SA MGA TAONG MAY MENTAL HEALTH DISABILITY

Noong ika-11 ng Abril, ang JR Group at mga pangunahing pribadong kumpanya ng tren ay nag-anunsyo ng isang pinalawak na sistema ng diskwento na epektibo noong Abril 1, 2025, para sa mga may hawak ng mental diability and health certificate.

Ayon sa Fukushi Shimbun, ang certificate ay may iba-ibang level mula grade 1 hanggang 3. Ang diskwentong matatanggap ay depende sa grade ng certificate.

Maraming kumpanya ang nagbibigay ng 50% discount para sa grade 1 at 2 certificate holder kasama na rin pati ang kanilang caregiver. Kung ang may hawak ng certificate ay bibiyahe mag-isa, siya ay makakatanggap ng 50% discount para sa one way na paglalakbay na lalampas sa 100 kilometro.

Ang limang kumpanya maliban sa JR na magpapakilala ng system mula Abril 1, 2025 ay ang Tobu, Seibu, Odakyu, Sotetsu, at Keihan. Sisimulan naman ito ng Shin-Keisei sa Hunyo 1, Tokyo Metro sa Agosto 1, at Hankyu at Hanshin sa katapusan ng Enero 2025. Pitong kumpanya, kabilang ang Nishitetsu, Kintetsu, at Keio, ay nagpakilala na ng mga similar na sistema.