2024/04/12 / Last updated : 2024/04/12 東京支店 News（Tagalog）

NOTO-HANEDA FLIGHT MAGIGING ARAW-ARAW NA ULIT MULA SA IKA-26 NGAYONG BUWAN

Isang round trip na flight bawat araw sa pagitan ng Noto Airport at Haneda ay bubuksan muli sa unang pagkakataon matapos ang apat na buwan.

Ayon sa ulat ng Yahoo Japan, pagkatapos ng lindol sa Noto Peninsula, binawasan ng All Nippon Airways ang bilang ng mga flight sa pagitan ng Noto Airport at Haneda sa tatlong round trip sa isang linggo ngunit inihayag na magbabalik na ito ng isang round trip na flight bawat araw mula ika-26 ng buwang ito.

Ang panahon ng “Noto Recovery Support Discount” na nagsimula noong Pebrero at nag-aalok ng pamasahe na 10,000 yen para sa ilang upuan, ay papalawigin hanggang Oktubre.