2024/04/02 / Last updated : 2024/04/01 東京支店 News（Tagalog）

IKINARI STEAK, BAHAGYANG MAG-TATAAS NG PRESYO AT SOURCE NG IBANG KARNE AY PAPALITAN

Inihayag ng Pepper Food Service ang mga planong baguhin ang Ikinari steak menu epektibo sa Abril 3. Kasama sa mga pagbabago ang mga pagsasaayos ng presyo, paghinto ng mga opsyon sa cut-to-order, pagsasaayos ng iba’t ibang seasoning sa table-top, at ang pagpili at pinagmulan ng produkto.

Ayon sa ulat ng Yahoo Japan, ang pinagmulan ng ribeye steak ay lilipat mula sa US patungo sa Australia, habang ang sirloin steak ay aalisin. Ang mga pagsasaayos na ito ay bilang tugon sa tumataas na gastos ng mga raw materials, paggawa, at enerhiya. Ang Wild Steak 150g ay magsisimula sa presyo na 1,390 yen tax included sa mga lokasyon sa tabing daan at storefront, mula sa dating 1,240 yen.

Samantala, sa mga restaurant at food court outlet, ang 130g variant ay mapepresyohan sa bagong rate na 1,190 yen tax included, kumpara sa dating 1,240 yen para sa 150g na bahagi.