2024/03/08 / Last updated : 2024/03/08 東京支店 News（Tagalog）

SALES NG EMERGENCY GOODS TUMATAAS DAHIL SA MADALAS NA PAGYANIG SA CHIBA

Ang isang serye ng mga lindol na nakasentro sa Chiba Prefecture sa nakalipas na linggo ay nagpabagabag sa mga lokal na residente na nag-udyok sa kanila na mag-stock ng mga emergency supply dahil sa posibilidad na may malakas na lindol na darating.

Mula sa ulat ng Japan times, tatlong lindol, na nagrerehistro ng shindo 4 sa Japanese seven-level seismic intensity scale, ang naganap simula noong Huwebes, at iniuugnay ng mga eksperto ang mga pagyanig na ito sa isang phenomenon na kilala bilang “slow slip” sa tectonic plates.

Ang mga lokal na tindahan ay nakakaranas ng pagtaas ng demand para sa pang-emergency na pagkain at mga supply. Ang tagapamahala ng tindahan sa sangay ng Mobara Chosei ng Home Plaza Nafco home center franchise, na matatagpuan malapit sa silangang baybayin ng Chiba Prefecture, ay nag-ulat ng limang beses na pagtaas sa mga benta ng mga pang-emergency dahil sa lindol.