2024/03/05 / Last updated : 2024/03/05 東京支店 News（Tagalog）

TEAMLAB BORDERLESS SA AZABUDAI HILLS, MULING NAGBUKAS

Nakahanap ng bagong lokasyon ang kilalang teamLab Borderless museum sa loob ng Azabudai Hills complex sa Minato Ward ng Tokyo.

Mula sa ulat ng Asahi Shimun, pinagtutulungang binuo ng teamLab Inc. at Mori Building Co., ang museo at nagpapakita ito ng higit sa 50 digital installation na gumagamit ng projection mapping at iba pang mga makabagong teknolohiya.

Ang mga bisita ay maaaring makaranas ng iba’t ibang mga pattern, pagbabago ng kulay na orbs, at interactive na mga pag-install tulad ng “Sketch Ocean,” kung saan mukhang nabibigyang buhay ang mga isda at iba pang creature sa dagat na iginuhit ng mga bisita.

Ang una nitong building sa Odaiba, Tokyo na bukas mula 2018 hanggang 2022, ay umakit ng humigit-kumulang 2.3 milyong bisita sa unang taon nito, na nakakuha ng pagkilala mula sa Guinness World Records para sa katanyagan nito.