2024/02/16 / Last updated : 2024/02/16 東京支店 News（Tagalog）

BILANG NG CHILD ABUSE REPORT SA JAPAN UMABOT NG 122,000 PARA SA TAONG 2023

Noong 2023, ang rekord ng child abuse ay umabot ng 12,806. Ito ang iniulat ng pulisya sa mga child welfare center na minarkahan ng 6.1 porsiyentong pagtaas mula sa nakaraang taon ayon sa National Police Agency (NPA).

Mula sa ulat ng Yahoo Japan, ang rekord ng mga cases ng pang-aabuso ay sinumulan noong 2004 at ito ay tumataas taon-taon.

Ang psychological na pang-aabuso, partikular na ang karahasan sa tahanan na nasaksihan ng mga bata ay umabot sa mahigit 70 porsiyento ng mga kaso noong 2023 na may 90,761 na bata na apektado, na nagpapakita ng 6.8 porsiyentong pagtaas mula sa nakaraang taon. Ang pisikal na pang-aabuso ay pumapangalawa na may 21,520 kaso (tumaas ng 4.2 porsiyento), na sinusundan ng pagpapabaya na may 10,205 kaso (tumaas ng 4.1 porsyento).

Habang ang mga kaso ng sekswal na pang-aabuso ay bahagyang bumaba ng 0.6 porsiyento hanggang 320, ang bilang ng mga pag-aresto o pag-iimbestiga ng pulisya para sa pang-aabuso sa bata ay tumaas ng 9.4 porsiyento hanggang 2,385 na may limang beses na pagtaas mula noong 2013.

Sa mga kasong ito, ang pisikal na pang-aabuso ay ang pinakakaraniwan sa 1,903 (tumaas ng 10.8 porsiyento), na sinusundan ng sekswal na pang-aabuso sa 372 (tumaas ng 1.9 porsiyento).