2024/02/01 / Last updated : 2024/02/01 東京支店 News（Tagalog）

TEPCO AT 4 NA IBA PANG KUMPANYA, MAGTATAAS NG KURYENTE NGAYONG PEBRERO

Noong ika-30, nag-anunsyo ang mga kumpanya ng kuryente ng pagtaas rate ng kuryente para sa buwan ng Pebrero . Dahil sa pagtaas ng presyo ng krudo at liquefied natural gas (LNG) na ginagamit sa thermal power generation, ang mga presyo para sa limang kumpanya kabilang ang Tokyo Electric Power at Chubu Electric Power ay tataas ng 7 hanggang 133 yen kumpara sa paggamit noong Enero.

Mula sa ulat ng Yahoo News, ang TEPCO ay magtataas ng 72 yen at 133 yen naman para sa Chubu Electric Power samantalang ang Kansai Electric Power at Kyushu Electric Power ay hindi magbabago ng rate dahil naabot na nila ang pinakamataas na limitasyon sa ilalim ng fuel cost adjustment system na nagpapakita ng mga pagtaas at pagbaba sa mga gastos sa gasolina.

Ang mga rate para sa paggamit ng Pebrero mula sa apat na pangunahing kumpanya ng gas ng lungsod (Tokyo, Osaka, Toho, at Seibu Gas) ay tataas din ng 99 hanggang 133 yen dahil sa pagtaas ng mga presyo ng LNG at iba pang mga kadahilanan.