2024/01/31 / Last updated : 2024/01/31 東京支店 News（Tagalog）

YOKOHAMA CITY, MAGBIBIGAY NG 90,000 YEN PARA SA MGA BAGONG PANGANAK SIMULA MAYO NGAYONG TAON

Ang Yokohama City ay nag-anunsyo noong ika-29 na ito ay mag-subsidize ng hanggang 90,000 yen para sa mga gastusin sa panganganak para sa mga residente na manganganak pagkatapos ng Abril.

Ayon sa Yahoo News, ito ay idadagdag sa 500,000 yen na Childbirth and Childcare Lump-sum Grant na ibinigay ng gobyerno upang bawasan ang out-of-pocket na gastos at suportahan ang pangangalaga sa bata.

Ito ay makukuha din nga mga residente na nanganak sa labas ng Yokohama. Ayon sa lungsod, ito ang unang pagtatangka sa isang lungsod na itinalaga ng pamahalaan na nag-allot ng sariling budget para sa gastos sa panganganak.

Tinukoy ng lungsod ang mga bayarin tulad ng pagpapaospital, paghahatid, at pagkain bilang “pangunahing gastos” na kailangan para sa panganganak. Ayon sa isang survey sa 51 ospital, klinika, at midwifery center sa lungsod ay nalaman na ang 88% ng mga panganganak (normal na panganganak lamang) ay nagkakahalaga ng higit sa 500,000 yen, at karamihan sa mga tao ay kailangang magbayad mula sa kanilang sariling bulsa. Ang karaniwang pangunahing gastos ay humigit-kumulang 548,000 yen, na ang pinakamataas na gastos sa mga pampublikong ospital ay humigit-kumulang 576,000 yen.