2023/11/22 / Last updated : 2023/11/21 東京支店 News（Tagalog）

KEISEI-TOKYO SUBWAY TICKET MAAARI NG MABILI MULA SA WECHAT APP

Ang WeChat, sa pakikipagtulungan sa Keisei Electric Railway, Tokyo Metro, Tokyo Metropolitan Bureau of Transportation at Linktivity ay magpapakilala ng serbisyo sa ticketing gamit ang WeChat Mini Program para sa mga turistang Chinese sa Japan. Saklaw ng serbisyo ang pagbili ng Keisei Skyliner at limited express ticket kasama ang Tokyo Subway Ticket para sa unlimited rides sa subway.

Mula sa ulat ng Yahoo News, maaaring gamitin ng mga turistang Chinese ang mini program na “Tabinichi” sa WeChat para bumili ng mga tiket ng “Skyliner Coupon” at “Tokyo Subway Ticket (24/48/72hours)” nang maaga. Ang mga tiket na ito ay maaaring palitan sa pamamagitan ng pag-scan sa QR code sa mga vending machine sa mga applicable na istasyon ng tren.

Sa paglunsad ng programang ito, inaasahan na malilimitahan na ang problema naidudulot ng language barrier at magkakaroon ng mas pulidong proseso.

Inilunsad ng Keisei Electric Railway ang “Keisei GRAB & GO,” isang online na platform ng direktang pagbebenta para sa mga dayuhang turista. Pinapasimple ng platform na ito ang proseso ng pagbili ng tiket, na nag-aalok ng access sa pamamagitan ng WeChat, mga computer, at mga smartphone.