2023/11/17 / Last updated : 2023/11/17 東京支店 News（Tagalog）

SHOHEI OTANI, GINAWARAN NG IKALAWANG UNANIMOUS MVP AWARD

Si Shohei Ohtani, na kilala sa kanyang top-tier pitching skills, ay gumawa ng kasaysayan bilang kauna-unahang dalawang beses na unanimous Most Valuable Player sa American League.

Ayon sa Japan News, bilang isang free agent kasunod ng kanyang kontrata sa Los Angeles Angels, natanggap ni Ohtani ang lahat ng 30 boto sa first place at nakakuha ng 420 puntos mula sa.pagboto ng Baseball Writers’ Association of America. Nakamit niya dati ang unanimous MVP status noong 2021 at pumangalawa kay Aaron Judge ng Yankees noong nakaraang taon.

Ito ang ika-20 unanimous MVP na boto mula noong itatag ang parangal noong 1931.

Kasunod ni Ohtani, inangkin ni Corey Seager ang pangalawang puwesto na may 24 na boto sa ikalawang puwesto at 264 na puntos, habang ang kasamahan sa Texas na si Marcus Semien ay nakakuha ng ikatlong puwesto na may limang boto sa ikalawang puwesto at 216 na puntos. Naganap ang pagboto bago ang post season kung saan nasungkit ng Rangers ang kanilang inaugural World Series title.