2023/10/13 / Last updated : 2023/10/13 東京支店 News（Tagalog）

6 NA HAPON, ARESTADO DAHIL SA SCAM CALLS MULA VIETNAM

Isang grupo ng mga Hapon ang inaresto sa hinalang pag-swindle ng pera sa isang babae sa pamamagitan ng scam phone call mula sa Vietnam.

Inanunsyo ng Osaka Prefectural Police kamakailan na ito ang unang beses na nanghuli ang Japanese police ng isang fraud group na nakabase sa naturang bansa, saad sa ulat ng The Mainichi Shimbun.

Nagpanggap sina Masatomo Inoue, 52, at limang iba pa bilang department store staff nang tawagan ang isang babae edad 70 pataas sa kanyang bahay sa Yokohama para sabihin na hindi nagamit nang tama ang credit card nito. Pinuntahan ng kasabwat ng mga suspek ang bahay ng babae at kinuha ang tatlong cards nito at nag-withdraw ng aabot sa 2.6 milyong yen mula sa ATM.

Lima sa mga suspek ang umamin sa krimen.