2023/09/26 / Last updated : 2023/09/26 東京支店 News（Tagalog）

RELIEF MEASURES PARA SA MGA PART-TIMERS, BINALANGKAS

Naglabas ang gobyerno ng Japan ng balangkas ng plano nitong relief measures para hindi mabawasan ang kita ng mga part-time workers.

Tampok dito ang aabot sa 500,000 yen na company subsidy kada empleyado para maiwasan na mabawasan ang take-home pay ng mga part-timers na nangyayari kapag ang kita kada taon ay umaabot sa 1.06 milyong yen o higit pa dahil sa mga social insurance premium payments, saad sa ulat ng Jiji Press.

Plano rin ng gobyerno na payagan ang mga part-timers at iba pa na manatili bilang mga dependent ng kanilang mga asawa ng hanggang dalawang magkasunod na taon kahit na pansamantalang lumampas ang kanilang taunang kita sa 1.3-million-yen threshold.

Isasapinal ito at ipapatupad unti-unti simula sa Oktubre.