2023/09/15 / Last updated : 2023/09/15 東京支店 News（Tagalog）

MAS MALAKING ALLOWANCE, ALOK SA MGA AMA NA BALAK MAG-CHILDCARE LEAVE

Nag-aalok ang mga kumpanya ng mas malaking cash incentives para mahikayat ang mga lalakeng manggagawa na mag-childcare leave.

Sa ulat ng NHK World-Japan, sinabi ng Nomura Securities na mag-aalok ito ng allowance na katumbas ng 10 porsyento ng kanilang annual basic salary sa lahat ng empleyado nito na kukuha ng childcare leave ng isang buwan o higit pa simula sa susunod na buwan.

Pinalawak din ng Daiwa Lease ang kanilang sistema para rito simula noong Abril kung saan pwedeng makakuha ng hanggang isang milyong yen na allowance ang kanilang mga male employees.

Layon ng gobyerno na kalahating porsyento ng male workforce ang mag-childcare leave pagsapit ng taong 2025.