2023/08/30 / Last updated : 2023/08/30 東京支店 News（Tagalog）

20 PORSYENTO NG MGA DOKTOR SA JAPAN, NAG-O-OVERTIME NG HALOS 1,000 ORAS

Humigit-kumulang 20 porsento ng mga doktor sa mga ospital sa bansa ang pinaniniwalaang nag-o-overtime nang higit sa 960 oras sa loob ng isang taon.

Saad sa ulat ng Jiji Press, katumbas ito ng 80 oras bawat buwan na posibleng maglagay sa kanila sa panganib na mamatay dahil sa sobrang trabaho, base sa survey na isinagawa ng research team ng health ministry.

Sa survey na isinagawa noong Hulyo 2022 sa 19,879 na mga doktor mula sa 5,424 na ospital kung saan pinag-aralan ang working conditions ng 11,466 na full-time na mga doktor ay nakita na 20.4 porsyento sa kanila ang nagtrabaho ng mahigit sa 60 oras kada linggo na lampas sa 40 oras na legal working hours dahilan para ipagpalagay ang tinatayang overtime sa higit sa 960 oras bawat taon.