2023/08/23 / Last updated : 2023/08/23 東京支店 News（Tagalog）

BUS-THEMED GUEST ROOM, TAMPOK SA HOTEL SA MIE-KEN

Binuksan kamakailan ang isang bus-themed guest room sa loob ng isang hotel sa Grande Annex ng Sancoinn Iseshi-Ekimae Hotel sa Ise, Mie Prefecture.

Sa loob ng kwarto ay may driver’s seat na nakalagay na may monitor sa harap. Mae-enjoy ng mga hotel guests na mananatili rito ang pakiramdam na maging isang bus driver habang pinapanood ang 30-minuto na video na kinunan mula sa viewpoint ng isang drayber, saad sa ulat ng The Mainichi.

Ito lamang ang nag-iisang bus-themed guest room sa loob ng hotel at maaaring umupo ang mga guests rito at gamitin ang manibela, turn signals at parking brake.

Hango ang ideya na ito mula sa Mie Kotsu Co. bus na pag-aari ng Nagoya-based Sancoinn Co. na nag-ooperate ng mga hotels sa Tokai region.

Nasa 30,000 yen pataas ang bayad sa kwarto na maaaring okupahin ng dalawang tao.