2023/08/18 / Last updated : 2023/08/18 東京支店 News（Tagalog）

MGA DAYUHANG RESIDENTE SA TOKYO, NAKARANAS NG DISKRIMINASYON NOONG PANDEMYA

Nasa 30 porsyento ng mga dayuhang residente sa Tokyo ang nakaranas ng diskriminasyon na may kinalaman sa COVID-19.

Base sa survey na isinagawa ng Tokyo Metropolitan Government, kabilang dito ang limitadong kakayahan na makapag-usap nang maayos sa mga reception staff sa mga ospital, pagtrato na parang sila ang may kasalanan sa pagkalat ng virus, at pagtanggap ng hindi malinaw na paliwanag tungkol sa virus, saad sa ulat ng Yomiuri Shimbun.

Naniniwala naman ang gobyerno ng lungsod na mataas na bilang ng mga dayuhang residente rito ang aktibong gumawa ng mga hakbang upang maiwasan ang pagkalat ng COVID-19 at nangakong gagawa ng polisiya para makapamuhay ang mga ito sa lungsod ng may kapayapaan ang isip.