2023/07/24 / Last updated : 2023/07/24 東京支店 News（Tagalog）

MATATANDA, TUTULUNGAN NG GOBYERNO MAKAUPA NG BAHAY

Plano ng gobyerno ng Japan na tumulong sa mga matatanda, may mga kapansanan at iba pa na madaling makaupa ng bahay.

Ito ay dahil sa mga napaulat na kaso kung saan tinatanggihan ng mga may-ari ng bahay na sila ay paupahin dahil sa pag-aalala na hindi sila makakabayad, mamamatay nang mag-isa o hindi kaya ay magdulot ng kaguluhan sa mga kapitbahay, ayon sa ulat ng Jiji Press.

Balak ng pamahalaan na palakasin ang life support para sa mga matatanda at iba pa tulad ng pagtulong sa kanila na makahanap ng trabaho at makakuha ng social services.

Maglalabas ng ulat ang gobyerno tungkol sa mga hakbang na isasagawa kaugnay dito sa darating na taglagas.