2023/07/21 / Last updated : 2023/07/21 東京支店 News（Tagalog）

PAGNANAKAW, PINAKAMATAAS SA MGA KASO NG KRIMEN SA JAPAN

Nakapagtala ang Japan ng 228,889 kaso ng pagnanakaw sa unang anim na buwan ng 2023, katumbas ng humigit-kumulang sa 70 porsyento ng kabuuang kaso ng krimen na naitala sa bansa.

Base sa ulat ng Jiji Press, nasa 333,003 ang kabuuang bilang ng mga krimen ang naitala mula Enero hanggang Hunyo, mas mataas ng 21.1 porsyento kumpara noong nakaraang taon, ayon sa National Police Agency.

Sa 110,744 na street crimes na naitala, nasa 97,724 kaso ang may kaugnayan sa mugging, car break-in o bicycle theft, kung saan 15,795 ang naganap sa Osaka Prefecture. Sinundan ito ng Tokyo na may 13,882 kaso, at Saitama Prefecture na may 8,229 kaso.