2023/07/21 / Last updated : 2023/07/21 東京支店 News（Tagalog）

USJ, TOKYO DISNEY RESORT, NAGHAHANDA NA SA TAAS-PRESYO NG TICKET

Kasado na ang pagtaas ng presyo ng one-day admission ticket ng Universal Studios Japan sa Osaka Prefecture at Tokyo Disney Resort sa Chiba Prefecture sa mga susunod na buwan.

Magtataas ng 600 yen ang USJ sa kanilang one-day ticket at magiging 10,400 yen simula kalagitnaan ng Agosto kapag marami ang mga tao, habang magmamahal din ng 1,500 yen ang singil ng Tokyo Disneyland at Tokyo DisneySea at magiging 10,900 yen simula sa Oktubre.

Ayon sa ulat ng The Mainichi, nasa 60 porsyento ng mga amusement parks at leisure facilities sa bansa na sinurvey ng Tokyo Shoko Research Ltd. ang nagdesisyon na magtaas ng singil sa kanilang admission fees dahil sa pagtaas ng mga gastos tulad ng kuryente at labor costs.