2023/07/19 / Last updated : 2023/07/19 東京支店 News（Tagalog）

JAPAN, BALAK SUGPUIN ANG PANG-AABUSO SA MGA DELIVERY WORKERS

Papalakasin ng gobyerno ang pagsisikap nito na mapabuti ang kondisyon sa pagtatrabaho ng mga delivery workers sa bansa.

Ayon sa ulat ng NHK World-Japan, sinabi ni Transport Minister Saito Tetsuo na bubuo sila ng isang grupo na may humigit-kumulang sa 160 opisyal ngayong buwan upang marinig ang mga alalahanin ng mga drivers at subaybayan ang mga transaksyon sa mga kumpanyang kumukuha sa kanila.

Susubaybayan din ng grupo kung ang mga naturang trucker ay napipilitang maghintay ng mahabang oras sa pag-pick up ng mga kalakal at kung ang pagbabayad sa kanila ay patas kung ibabase sa gastos sa gasolina at sa kanilang trabaho.

Matutukoy din ang mga kumpanya na hindi wasto ang pakikitungo sa mga delivery workers.