2023/07/18 / Last updated : 2023/07/18 東京支店 News（Tagalog）

CHILD POVERTY SA JAPAN MAS LUMALA SIMULA NOONG PANDEMYA

Mahigit sa 64 porsyento ng mga kabahayan sa bansa na nagpapalaki ng bata at nangangailangan ng tulong pinansyal ang nagsabing bumaba ang kanilang kita simula noong pandemya, base sa survey ng Save the Children Japan.

Ayon sa ulat ng The Yomiuri Shimbun, halos kalahati ng mga pamilyang tumugon sa survey ay nagsabi na 42.3% ng kanilang mga anak ay hindi nakakakuha ng sapat na makakain sa oras ng tanghalian sa mga araw kung kailan walang pananghalian sa paaralan tulad ng sa summer at winter vacation, habang 3.9% naman ang nagsabi na hindi nakakakain ng tanghalian ang mga ito.

Ang Save the Children Japan ay namamahagi ng mga pagkain tulad ng bigas at ready-made meals upang suportahan ang mga low-income households na may mga batang wala pang 18 taong gulang.