2023/07/12 / Last updated : 2023/07/12 東京支店 blog

MAG-INGAT SA MGA “BLINDSPOT” SA BAHAY NA MAARING MAGDULOT NG HEATSTROKE

Ayon kay Oji Kamiya, direktor ng Internal Medicine and Surgery clinic, may mga parte ng bahay na dapat bantayan dahil sa mataas na probabilidad ng heatstroke.

Una sa listahan ay ang kusina. Ang matagal na pagtayo sa kusina kung saan kadalasan mainit ang temperatura ay maaring maging sanhi ng heatstore. Upang maiwasan ang sobrang init na temperatura sa kusina, suhestiyon na ibaba ang setting ng air conditioner, gumamait ng microwave oven kapalit ng kalan at tanggalin sa saksakan ang lahat ng appliances sa kusina na nagreretain ng init.

Isa pa sa mga lugar na dapat bantayan ay ang toilet. Ang paggamit ng toilet ng matagal ay maari ring magdulot ng heatstroke lalo na kung ikaw ay gumagamit ng hot shower dahil mabilis tumaas ang temperatura sa loob nito. Bago gamitin ito, buksan ang pinto para pumasok ang malamig na hangin. Maaari ring gamitin ang ventilation fan para mas lumamig ang temperatura.

Para maiwasan ang heatstroke, huwag kalimutan uminom ng tubig na may asin. Maaari ring gumamit ng mga cooling goods kung kinakailangan.