2023/07/05 / Last updated : 2023/07/06 東京支店 News（Tagalog）

JAL, SUMITOMO MAGPAPARENTA NG DAMIT SA MGA TURISTA

Upang mahikayat ang mga dayuhang turista na bibisita sa Japan na mag-impake ng mas kaunting damit sa kanilang biyahe ay magpaparenta ng damit ang Sumitomo Corp. at Japan Airlines.

Layon nito na mabawasan ang greenhouse gas emissions sa pamamagitan nang pagbawas ng timbang ng mga bagahe sa mga biyahe sa eroplano, saad sa ulat ng Nikkei Asia.

Ilulunsad ng Sumitomo ang “Any Wear, Anywhere ngayong araw.

Kailang ipadala ng bisita ang kanilang flight information, haba ng pananatili sa bansa, at sukat ng damit sa website nang hindi bababa sa isang buwan bago ang kanilang biyahe. Ito ay makukuha nila sa kanilang hotel.

Nagkakahalaga ng mula 4,000 hanggang 7,000 yen ang renta depende sa bilang ng damit.

Ang serbisyo ay isasagawa muna ng Sumitomo sa mga JAL flights hanggang Agosto 2024 bago palawakin sa ibang airline na kabilang sa Oneworld alliance kung sakaling pumatok sa mga turista.