2023/06/16 / Last updated : 2023/06/16 東京支店 News（Tagalog）

500 YEN CANCER CHECKUP FEE, IBABALIK NG MAEBASHI SA HALOS 30,000 RESIDENTE NITO

Nakatakdang ibalik ng lokal na pamahalaan ng Maebashi City ang nasingil na 500 yen bawat isa mula sa 29,185 residente kasunod ng maling pagsingil para sa chest X-ray lung cancer screening na libreng isinasagawa ng gobyerno.

Sa ulat ng The Mainichi, nagsimulang mangolekta ng 500 yen kada test ang Maebashi Municipal Government para sa lung, stomach at breast cancer noong fiscal 2022. Ngunit ang para sa lung cancer screening para sa mga edad 65 pataas na nagsisilbi rin na tuberculosis test ay dapat na libre ayon sa national government. Hindi ito alam ng taong in-charge kaya’t bilang tugon sa pagkakamali ay magpapadala ang lokal na pamahalaan ng 500-yen Quo Card, isang uri ng gift card, sa mga naapektuhang residente simula sa Hulyo.