2023/06/14 / Last updated : 2023/06/14 東京支店 News（Tagalog）

PAGLALAGAY NG SECURITY CAMERAS SA SHINKANSEN, IBA PANG TRAIN LINES, IPAG-UUTOS

Plano ng transport ministry ng Japan na ipag-utos ang paglalagay ng mga security cameras sa mga bullet trains at iba pang linya ng tren simula sa Setyembre.

Ayon sa ulat ng Jiji Press at NHK World-Japan, kailangan ilagay ng mga operators ang mga security cameras sa mga bagong train cars sa shinkansen at mga linya ng tren na bumibyahe sa Tokyo, Osaka at Nagoya. Kailangan na may kakayahan ito na makapag-record ng mga security footage ng lampas 24 oras.

Ang hakbang na ito ng gobyerno ay bunga ng insidente nang pag-atake na naganap sa Odakyu Electric Railway Co. at Keio Corp. noong 2021 kung saan target ang mga pasahero.