2023/05/26 / Last updated : 2023/05/26 東京支店 News（Tagalog）

2 PREMIUM MELONS, NABENTA NG ¥3.5 MILYON SA AUCTION

Isang pares ng Yubari premium melons ang naibenta sa halagang 3.5 milyong yen sa unang auction ng tag-init sa Sapporo, Hokkaido nitong Huwebes.

Ito na ang pangalawang pinakamataas na presyo na naitala pagkatapos ng 5 milyong yen noong 2019, batay sa ulat ng Jiji Press.

Nabili ng Hokuyupack Co., isang Yubari melon packing company, ang pares ng melon. Plano nila itong ipakain ng libre sa 200 mamamayan ng lungsod ng Yubari sa darating na Hunyo.

Kabilang ang pares ng melon sa 262 Yubari melons na ipina-auction sa Sapporo Central Wholesale Market na ginaganap bilang hudyat nang paparating na panahon ng tag-init sa Hokkaido.