2023/05/25 / Last updated : 2023/05/25 東京支店 News（Tagalog）

1 LAPAD NA AYUDA KADA BUWAN SA MGA HIGH SCHOOLERS, PINAG-IISIPAN NG JAPAN

Kinukunsidera ng gobyerno ng Japan na palawakin ang child benefit program nito upang makapagbigay ng 10,000 yen bawat buwan kada bata na nasa high school na edad hanggang 18 taong gulang.

Batay sa ulat ng Jiji Press, naghahanda rin ang gobyerno na doblehin ang mga benepisyo sa 30,000 yen bawat bata na pangatlo at mga kasunod sa pamilya na nasa pagitan ng edad na tatlo at junior high school.

Saad pa sa ulat, ito ay bilang bahagi ng pagsisikap ng Japan na labanan ang bumabagsak na birthrate ng bansa.

Sa kasalukuyan, ang buwanang benepisyo ay nasa 15,000 yen bawat bata na wala pang tatlong taong gulang para sa mga pamilyang may taunang kita na mas mababa sa ilang antas.