2023/05/08 / Last updated : 2023/05/08 東京支店 News（Tagalog）

ALOK NA MGA PART-TIME NA TRABAHO SA MGA HOTELS, TUMAAS DAHIL SA TURISMO

Dagsa ang alok na mga part-time na trabaho sa hotel industry sa Japan bunga ng muling pagbangon ng inbound na turismo sa bansa.

Ayon sa Timee Inc., isang Tokyo-based na kumpanya na nag-o-operate ng part-time job application service, maraming mga alok na trabaho lalo na sa mga lungsod sa western Japan, saad sa ulat ng Kyodo News.

Tinutugunan ng kumpanya ang demand sa pamamagitan nang pag-aalok ng maiikling oras ng trabaho tulad nang paglilinis at pagseserbisyo sa mga restaurant upang makapagtrabaho pa ang mga tao sa kanilang libreng oras.

Dagdag pa ng kumpanya, nasa 13.4 na beses na mas mataas ang job opening nitong Marso kumpara sa parehong buwan noong nakaraang taon.