2023/05/02 / Last updated : 2023/05/02 東京支店 News（Tagalog）

PAGDADALA NG MEAT PRODUCTS, GULAY, PRUTAS SA JAPAN, MAHIGPIT NA IPINAGBABAWAL

Pinapaalala ng Ministry of Agriculture, Forestry and Fisheries sa publiko partikular sa mga papasok sa Japan na mahigpit na ipinagbabawal ang pagdadala ng mga meat products, gulay at prutas sa bansa.

Sinabi rin nila na ipinagbabawal din ang pagpapadala ng mga ito sa mga kaibigan at kaanak sa pamamagitan ng international mail.

Ayon sa ahensya, kinakailangan na ipaalam kaagad sa Animal Quarantine Service o Plant Protection Station kung makakatanggap ng mga ito.

Maaaring maharap sa pagkakakulong ng hanggang sa tatlong taon o multa ng hanggang sa tatlong milyon yen ang sinumang iligal na magdadala ng mga ito sa bansa.