2023/05/01 / Last updated : 2023/05/01 東京支店 News（Tagalog）

‘WORK WITH CHILD’ SYSTEM, IPAPATUPAD SA SIYUDAD SA AICHI

Papayagan ng municipal government ng Toyoake City sa Aichi Prefecture ang pagsasama ng mga empleyado nito sa kanilang mga anak sa trabaho kung kinakailangan nila itong alagaan nang biglaan simula ngayong araw, Mayo 1.

Target ng “Work with Child” system ang mga anak at apo ng mga empleyado edad isa hanggang Grade 3, sabi sa ulat ng The Mainichi Shimbun.

Dalawput tatlong empleyado ang gumamit ng sistema sa trial na isinagawa mula Marso 6 hanggang Abril 7.

Maaaring gamitin ang programa sa mga sitwasyong pang-emergency tulad ng pansamantalang pagsasara ng child care center o kapag ang isang lolo’t lola o asawa na karaniwang nag-aalaga sa bata ay may sakit o nasa isang gawain. Ipinagbabawal naman ang pagdadala ng maysakit na bata sa trabaho.