2023/04/24 / Last updated : 2023/04/24 東京支店 News（Tagalog）

PRESYO NG MGA HOTEL SA TOKYO, PINAKAMAHAL SA BUONG JAPAN

Naitala ang mga hotels sa Tokyo bilang pinakamahal sa buong bansa, ayon sa survey na isinagawa ng isang US firm.

Base sa survey ng STR, nagkakahalaga ng 21,587 yen ang average price nang pananatili sa hotel sa Tokyo sa isang gabi. Mas mataas ito ng 17% kumpara sa presyo noong pre-pandemic year 2019, saad sa ulat ng NHK World-Japan.

Sa parehong survey, naitala rin ang pagtaas ng presyo ng mga hotel sa bansa mula nitong Enero hanggang Marso sa 16,125 yen, mas mataas ng 15% mula sa parehong mga buwan apat na taon na ang nakakaraan.

Iniuugnay ng STR ang pagtaas sa pagpapatupad ng domestic travel subsidy ng gobyerno pati na rin ang paghina ng yen at pagtaas ng consumer prices.