2023/04/05 / Last updated : 2023/04/05 東京支店 News（Tagalog）

KONSTRUKSYON NG BAGONG RAIL LINE PATUNGONG HANEDA AIRPORT, SISIMULAN SA HUNYO

Uumpisahan ng East Japan Railway Company sa Hunyo ang konstruksyon sa isa sa mga linya ng riles na balak gawin upang mapabuti ang access sa Haneda Airport bilang tugon sa pagdagsa ng mga dayuhang turista.

Ayon sa ulat ng NHK World-Japan, nakatakdang magsimula ang operasyon nito sa taong 2031. Papaikliin ng bagong serbisyo ang oras ng paglalakbay mula sa Tokyo Station patungo sa paliparan mula 30 minuto hanggang 18 minuto.

Nagpaplano ang kumpanya ng tatlong bagong ruta ng tren upang ikonekta ang paliparan sa sentro ng Tokyo at iba pang mga lugar.

Isa sa tatlong ruta ang direktang magkokonekta sa Tokyo Station at sa paliparan sa pamamagitan ng Tokyo Freight Terminal sa Shinagawa Ward.

Ang dalawang iba pang mga ruta sa proyekto ay direktang magkokonekta sa paliparan mula sa mga istasyon ng Shinjuku at Shinkiba.