2023/03/23 / Last updated : 2023/03/23 東京支店 News（Tagalog）

NAIA TERMINAL 2, MAGIGING DOMESTIC FLIGHT ONLY TERMINAL MULA HULYO

Ang Ninoy Aquino International Airport (NAIA) Terminal 2 ay magiging domestik na paliparan simula Hulyo ng taon mula sa ulat ng CNN Philippines.

Ayon din MIAA Assistant General Manager, ang natitirang flights ng Philippine Airlines (PAL) ay ililipat na din sa Terminal 1 simula June 16 at tuluyan ng magiging ekslusibong domestik na paliparan ang Terminal 2 simula ika-1 ng Hulyo.

Ang mga hakbang na ito ay isinagawa upang mapabuti ang systema ng Imigrasyon sa loob ng paliparan at masolusyonan ang kakulangan ng tao sa NAIA.

Simula Disyembre noong nakaraang taon, ang PAL at AirAsia international flights na papunta at mula sa United States, Canada at Middle East ay inilipat sa NAIA Terminal 1 sa ilalim ng Terminal Assignment Rationalization Program.