2023/03/13 / Last updated : 2023/03/13 東京支店 News（Tagalog）

FACE MASK, PWEDENG ‘DI NA ISUOT SA MGA TREN NG JR EAST

Maaari nang hindi magsuot ng face mask ang mga pasahero sa loob ng mga tren ng East Japan Railway Co. simula ngayong araw, Marso 13.

Kasunod ito nang pag-anunsyo ng pamunuan ng tren noong Marso 7 na nag-aalis ng mandatory face mask policy sa loob ng mga tren dahil sa COVID-19 pandemic.

Ayon sa ulat ng Asahi Shimbun, posible pa rin na pakiusapan ng mga staff ng tren ang mga pasahero na makipag-usap nang mas tahimik o i-discourage ang pakikipag-usap tuwing rush hour bilang kortesiya sa ibang pasahero.

Ang JR East ay isa sa mga pangunahing railway companies sa Japan. Kabilang sa mga ruta nito ang Kanto at Tohoku regions.