2023/03/06 / Last updated : 2023/03/06 東京支店 News（Tagalog）

DAGDAG-SINGIL SA KURYENTE PLANONG BAWASAN

Balak ng gobyerno ng Japan na babaan ang dagdag na singil sa kuryente sa mga tahanan bunsod nang pagbaba ng presyo ng pag-import ng gasolina.

Matatandaang pitong power companies ang nagsumite ng aplikasyon para aprubahan ng industry ministry ang dagdag-singil sa regulated na electricity rate mula 28 hanggang 45 porsyento dahil sa epekto ng Russia-Ukraine conflict at pagbaba ng yen.

Anang Jiji Press sa kanilang ulat, plano ng Tohoku Electric Power Co., Hokuriku Electric Power Co., Chugoku Electric Power Co., Shikoku Electric Power Co. at Okinawa Electric Power Co. na taasan ang singil sa kuryente sa mga tahanan simula Abril habang mula Hunyo naman ang balak ng Tokyo Electric Power Company Holdings Inc. at Hokkaido Electric Power Co.

Maaari naman itong maantala dahil masusing pinag-aaralan ng gobyerno ang kanilang mga aplikasyon.