2023/02/16 / Last updated : 2023/02/16 東京支店 News（Tagalog）

PAGMOMONITOR SA MGA MAPINSALANG POSTS SA INTERNET PAIIGTINGIN NG KAPULISAN

Palalakasin ng National Police Agency (NPA) ng Japan ang pagmomonitor sa mga impormasyon na pino-post sa internet kasunod ng serye ng nakawan na naganap sa bansa kamakailan kung saan ang mga suspek ay na-recruit sa social media sites.

Batay sa ulat ng NHK World-Japan, mas pinalawak ng cyber patrol center ng NPA ang sakop ng mga online posts na itinuturing na nakakapinsala kung saan kabilang ang mga trabahong alok tulad ng pagnanakaw at pagpatay pati na rin ang paggawa ng baril at pasabog.

Plano rin ng kapulisan na makipagtulungan sa publiko sa pamamagitan nang pagtanggap ng mga tips mula sa kanila.