2023/02/06 / Last updated : 2023/02/14 東京支店 News（Tagalog）

MGA TURISTA SA JAPAN MAAARI NANG MAMILI NG DUTY-FREE GOODS GAMIT ANG VENDING MACHINES

Mas pinadali ng WAmazing Inc., isang online platform para sa mga dayuhang turista, ang pamimili ng mga duty-free na mga produkto upang maiwasan ang mahabang pila at kalimitang aberya sa mga duty-free shops.

Ayon sa ulat ng Kyodo News, nag-aalok ang WAmazing ng 6,900 na mga produkto, kabilang na ang mga popular na pagkain at cosmetics, na maaaring pre-order online at kukunin na lamang ng turista sa automated retail machines sa airports o sa ilang transport hubs sa mga pangunahing lungsod sa Japan.

Target ng kumpanya ang mga dayuhang turista, partikular na ang mga mula sa China, Hong Kong at Taiwan, dahil umano sa pagbaba ng bilang ng mga turista na galing sa tatlong bansa.