2022/12/20 / Last updated : 2022/12/20 東京支店 News（Tagalog）

UNYON NG MGA FOREIGN TRAINEES SA JAPAN, PINASINAYAAN

Pinasinayaan ang bagong unyon na para sa manggagawang dayuhan sa Japan nitong Disyembre 19 sa Tokyo.

Sa ulat ng NHK World-Japan, ekslusibo para sa mga dayuhang manggagawa sa Japan ang unyon at kasalukuyang mayroong 20 miyembro na halos Vietnamese technical trainees at estudyante na nagtatrabaho nang part-time.

Binuo ang naturang unyon upang masolusyunan ang mga problemang kinakaharap ng mga dayuhang manggagawa sa Japan tulad ng ‘di makatarungang pagtatanggal sa trabaho at ‘di pagpapasahod nang tama. Nakatakda umanong sumanib ang unyon sa Rengo Tokyo, na bahagi ng Japanese Trade Union Confederation, isa sa pinakamalaking organisasyon ng mga manggagawa.