2022/12/16 / Last updated : 2022/12/16 東京支店 News（Tagalog）

PRESO NA NAMATAY SA SELDA, PINAGKAITAN NG DOKTOR, BINUGBOG NG MGA OPISYALES

Nakita sa security camera ng istasyon ng pulis sa Okazaki, Aichi Prefecture ang pambubugbog ng ilang police officers sa 43-taong-gulang na bilanggo na may sakit na diabetes at napagkaitan ng medikasyon mula sa mga doktor.

Sa ulat ng Asahi Shimbun, namatay ang lalaki isang oras matapos dalhin sa ospital dahil sa kidney failure. Lumabas sa imbestigasyon na naging marahas at nagsisisigaw sa selda ang lalaki kaya dinala siya sa “protection room.” Matagal na oras din siyang itinali at pinosasan at hindi ipina-doktor kahit na sinabi nitong mayroon siyang sakit sa pag-iisip at diabetes.

Inaresto ang lalaki noong Nobyembre dahil sa “suspicion of obstructing an officer’s public duties.”