2022/12/05 / Last updated : 2022/12/05 東京支店 News（Tagalog）

LALAKI TUMAWAG NG 2,060 BESES SA PULIS, KALABOSO

Inaresto ng mga pulis sa Kawaguchi, Saitama Prefecture si Yoshio Shimada, 67, matapos siyang matukoy na tumawag sa istasyon ng 2,060 beses.

Ayon sa ulat ng Kyodo News, umamin sa alegasyon si Shimada na tumawag sa nasabing istasyon ng pulis mula Setyembre 30 hanggang Oktubre 8 nang may kabuuang haba na 27 oras. Sa bawat tawag nito ay nagsasabi ng mga insulto si Shimada sa mga nakakasagot na pulis.

Inaresto si Shimada matapos na tingnan ang cellphone nito. Napag-alaman na may nauna nang ginawang mga pagtawag si Shimada sa mga pulis ilang taon na ang nakakalipas.