2022/11/25 / Last updated : 2022/11/25 東京支店 News（Tagalog）

WACOAL MAGBIBIGAY NG TULONG SA PAGBABAYAD NG SAHOD NG 11 FOREIGN TRAINEES

Nangakong magbibigay ng tulong ang Wacoal Holdings Corp., isa sa mga pangunahing lingerie company, sa pagbabayad sa sahod ng 11 kababaihang Vietnamese, na nagtrabaho sa Koshimizu Clothing Industry Co. mula 2019 hanggang Oktubre 2022.

Sa ulat ng Asahi Shimbun, nagdesisyon ang Wacoal na magbigay-tulong sa hindi naibigay na sahod sa 11 foreign trainees matapos na magdeklara ng pagkalugi sa negosyo ang Koshimizu noong Nobyembre 14. Umabot sa 27 milyon yen ang hindi nabayaran ng Koshimizu sa mga ito.

Ang hakbang na ito ay bilang bahagi ng corporate social responsibility ng Wacoal, na nagpagawa umano sa Koshimizu ng 35,000 pajamas mula Disyembre 2019 hanggang Setyembre 2022 sa pamamagitan ng isang outsourcing company.