2022/11/10 / Last updated : 2022/11/10 東京支店 News（Tagalog）

JAPAN HINDI NA MULING MAGHIHIGPIT KONTRA COVID-19 SA GITNA NG PAPATAAS NA BILANG NG MGA BAGONG KASO

Plano ng gobyerno ng Japan na ipagpatuloy ang mga nasimulan na nilang hakbang para mapaunlad muli ang ekonomiya sa bansa na humina bunsod ng pandemiya.

Sa ulat ng Japan Times, sinabi ni Chief Cabinet Secretary Hirokazu Matsuno na walang balak ang gobyerno na mag-implimenta ng mas mahigpit na panuntunan kontra COVID-19 sa gitna ng muling pagtaas ng bilang ng mga bagong kaso nito.

Papasok na ang Japan sa tinatawag na “8th COVID-19 wave” kung saan karamihan ng mga kaso ay sanhi ng BA.5 omicron subvariant ng coronavirus. Nitong Nobyembre 9, pumatak sa 87,410 ang bilang ng may COVID-19 sa buong bansa.