Ayon sa ulat ng The Mainichi, sinabi ng Keikyu Corp., train operator, na mayroong isang pasahero ang agad na pumindot sa emergency button matapos malaglag ang mga kutsilyo sa Airport Line. Agad namang tumigil sa Anamori-inari Station malapit sa Haneda Airport ang tren bandang 6:38 ng gabi habang nagkakagulo ang ilang pasahero.

Sa imbestigasyon ng Kamata Police Station, tatlong kutsilyo ang aksidenteng nahulog sa bag ng sushi chef ng mag-panic ito dahil nakalagpas siya sa bababaang istasyon. Medyo lasing umano ang sushi chef ngunit hindi ito nasampahan ng kaso dahil napatunayan nitong legal ang paggamit niya ng mga naturang kutsilyo na para sa kanyang trabaho.