Sa ulat ng Kyodo News, inaresto ng mga pulis sa Atsugi sa Kanagawa Prefecture si Reina Nagasawa dahil sa kapabayaan sa kanyang dalawang anak, na dalawang-taong-gulang at isang-taong-gulang, na naging sanhi ng pagkamatay ng mga ito.

Matatandaan na sa unang pahayag ng suspek ay sinabi nito na pumunta sila sa Bosai no Oka Park ngunit natutulog pa ang dalawang bata kaya nanatili sila sa loob ng sasakyan kung saan pinatay niya ang aircon at binaba ang mga bintana. Tumawag siya sa 119 nang mawalan ng malay ang dalawang bata.

Umamin si Nagasawa na iniwan niya ang dalawang bata sa sasakyan sa loob ng isang oras para makipagkita sa isang kakilala.