Ayon sa ulat ng Kyodo News, ang desisyon na ito ay bunsod na rin ng kawalan ng kita ng kumpanya dahil sa paghina ng turismo dala ng pandemiya na umabot na ng dalawang taon.

Inaasahan na aabot sa ilang bilyong yen ang maaaring kitain ng H.I.S. sa pagbebenta ng kanilang shares ng resort, na balak umanong bilhin ng isang kumpanya na naka-base sa Hongkong. Bukod sa H.I.S., plano rin ng iba pang shareholders ng Huis Ten Bosch Co. gaya ng Kyushu Electric Power Co at Kyushu Railway Co. na ibenta ang kanilang shares.